આજ રોજ તા. ૨૨-૦૯-૨૦૨૧ ના રોજ ખાંડા હડમતિયા પ્રાથમિક શાળાના બાળકો ની ગ્રામ પંચાયત કચેરી અને સહકારી દુધ મંડળી ની શૈક્ષણિક મુલાકાત ( KHANDA HADMATIYA EXPOSURE VISIT ) નુ આયોજન કરવામા આવ્યુ હતું. જેમા ધોરણ ૬ થી ૮ ના તમામ વિદ્યાર્થીઓ એ ગ્રામ પંચાયત કચેરી અને સહકારી દુધ મંડળી ની મુલાકાત લીધી હતી.
ખાંડા હડમતિયા ગ્રામ પંચાયત કચેરી ના તલાટી મંત્રી શ્રી હેતલબેન જમોડ દ્વારા ગ્રામ પંચાયત કચેરી ના કાર્ય તેમજ કેવી રીતે ગામના વિકાસનું આયોજન થાય છે તેની માહિતિ વિદ્યાર્થીઓને આપી હતી. જન્મ મરણ રજીસ્ટર અને લગ્ન નોંધણી રજિસ્ટર જેવા અગત્યના રજિસ્ટર વિશે માહિતિ આપી હતી.
ત્યાર બાદ વિદ્યાર્થીઓએ ગામના કરવેરા તેમજ કચેરીના કામકાજને લઇ ને મુઝવતા પ્રશ્નો તલાટી મંત્રી શ્રી ને પુછ્યા હતા. ખાંડા હડમતિયા ગ્રામ પંચાયત કચેરી ના તલાટી મંત્રી શ્રી હેતલબેન જમોડ દ્વારા વિદ્યાર્થીના પ્રશ્નો ના જવાબ આપીને પ્રેરણા પુરી પાડી તેમજ માર્ગદર્શન આપ્યુ હતું. આમ ગામની એક સરકારી કચેરીની મુલાકાત વિદ્યાર્થીઓ માટે ખુબ જ જ્ઞાન સભર રહી.
ખાંડા હડમતિયા ગામની સહકારી દુધ મંડળી ની મુલાકાત પણ લેવામા આવી. જેમા વિદ્યાર્થીઓને પશુપાલન ના વ્યવસાય ના ફાયદા વિશે વાત કરવામા આવી તેમજ દુધ ના ફેટ કેમ નીકળે ? કેવી રીતે દુધ નો સંગ્રહ કરવામા આવે ? તે સમગ્ર પ્રક્રિયા ભરતભાઇ રબારી દ્વારા સમજાવવામા આવી. શૈક્ષણિક મુલાકાત સંદર્ભે શાળાના મુખ્ય શિક્ષક શ્રી સુનિલભાઇ પરમાર, શાળાના શિક્ષક દેવિકાબેન મકાણી અને ભાવેશભાઇ સાપરાએ વિદ્યાર્થીઓને માર્ગદર્શન પુરુ પાડ્યુ હતું.
No comments:
Post a Comment